Жарияланған күні:2025 ж. 29.05
Мемлекеттік білім беру тапсырысын орналастыруға арналған конкурс
Конкурстық рәсімдерді өткізу мерзімі ресми интернет-ресурста конкурс өткізу туралы хабарландыру мәтіні орналастырылған күннен бастап 25 (жиырма бес) жұмыс күнін құрайды, өтініштерді қабылдау «СҚО әкімдігінің білім басқармасы» КММ «Петропавл қаласының білім бөлімі» КММ хабарландыру жарияланған күннен басталады.
Конкурсқа кем дегенде бір жыл мүмкіндігі шектеулі балаларға арнайы психологиялық-педагогикалық қолдау көрсету саласында жұмыс тәжірибесі бар және келесілерді қамтамасыз ететін ұйымдар қатысуға жіберіледі:
1) № 385 бұйрықпен бекітілген әлеуметтік-педагогикалық сыныптамаға сәйкес дамуындағы бұзушылықтар (есту, көру, тірек-қимыл аппараты, интеллект, сөйлеу қабілеті бұзылған, психикалық дамуы тежелген, қарым-қатынас және әлеуметтік өзара іс-қимылдың бұзылуы немесе қиындықтары (аутизм спектрінің бұзылуы), күрделі (біріктірілген) бұзылулары бар балалар) санаттары бойынша орындар саны осы қағидаларға қосымшаға сәйкес нысан бойынша өтінішке сәйкес (әрі қарай – Өтініш);
2) «Білім беру объектілеріне қойылатын санитариялық-эпидемиологиялық талаптар» санитариялық қағидаларын бекіту туралы» Қазақстан Республикасы Денсаулық сақтау министрінің 2021 жылғы 5 тамыздағы № ҚР ДСМ-76 бұйрығына сәйкес шарттар (нормативтік құқықтық актілерді мемлекеттік тіркеу тізілімінде № 23890 болып тіркелді) ( әрі қарай – Санитарлық ережелер);
3) «Өрт қауіпсіздігі қағидаларын бекіту туралы» Қазақстан Республикасы төтенше жағдайлар министрінің 2022 жылғы 21 ақпандағы № 55 бұйрығына сәйкес шарттар (нормативтік құқықтық актілерді мемлекеттік тіркеу тізілімінде № 26867 болып тіркелді) (әрі қарай – Өрт қауіпсіздігі ережелері);
4) Төтенше жағдайлар туындаған кезде ескерту (дабыл түймесінің, автоматты хабарлау жүйесінің, оның ішінде ішкі дауыстық хабарлау жүйесінің болуы);
5) «Террористік тұрғыдан осал объектілерді терроризмге қарсы қорғауды ұйымдастыруға қойылатын талаптарды бекіту туралы» Қазақстан Республикасы Үкіметінің 2021 жылғы 6 мамырдағы № 305 қаулысына сәйкес терроризмге қарсы қорғау (бейнебақылау жүйесінің болуы);
6) ерекше білім беру қажеттіліктерін бағалау қағидаларын бекіту туралы Қазақстан Республикасы білім және ғылым министрінің 2022 жылғы 12 қаңтардағы № 4 бұйрығына (нормативтік құқықтық актілерді мемлекеттік тіркеу тізілімінде № 26618 болып тіркелген) сәйкес ерекше білім беру қажеттіліктері бар балаларды тәрбиелеу мен оқытуға арналған арнайы жағдайлар, Қазақстан Республикасының Заңына сәйкес және № 385 бұйрықпен бекітілген арнайы білім беру ұйымдары қызметінің үлгілік қағидаларының 4-тарауына сәйкес арнайы психологиялық-педагогикалық қолдауды ұйымдастыру;
7) мектепке дейінгі, орта білім беру ұйымдарын, сонымен қатар арнаулы білім беру ұйымдарын жабдықтармен және жиһазбен жарақтандыру нормаларын бекіту туралы Қазақстан Республикасы білім және ғылым министрінің 2016 жылғы 22 қаңтардағы №70 бұйрығына сәйкес жабдықтармен және жиһазбен жарақтандыру (нормативтік құқықтық актілерді мемлекеттік тіркеу тізілімінде № 13272 болып тіркелді);
8) Санитариялық қағидаларға сәйкес медициналық қызмет көрсету және алғашқы медициналық көмек көрсету;
9) «Педагог лауазымдарының үлгілік біліктілік сипаттамаларын бекіту туралы» Қазақстан Республикасы білім және ғылым министрінің 2009 жылғы 13 шілдедегі № 338 бұйрығына сәйкес тиісті бейін бойынша педагогикалық немесе өзге де кәсіптік білімі бар педагогикалық құраммен (нормативтік құқықтық актілерді мемлекеттік тіркеу тізілімінде № 5750 болып тіркелді) және «Мемлекеттік білім беру ұйымдары қызметкерлерінің үлгілік штаттарын бекіту туралы»Қазақстан Республикасы ағарту министрінің міндетін атқарушының 2023 жылғы 21 шілдедегі № 224 бұйрығына сәйкес штат саны (нормативтік құқықтық актілерді мемлекеттік тіркеу тізілімінде № 33166 болып тіркелді);
10) № 12 бұйрыққа сәйкес мемлекеттік сатып алу веб-порталында тіркеу.
Мемлекеттік білім беру тапсырысын орналастыруға үміткер ұйымдар электрондық форматта (ptr@sqo.gov.kz электрондық пошта мекенжайы) немесе қағаз түрінде хабарландыру орналастырылған күннен бастап 3 жұмыс күні ішінде келесі құжаттарды ұсынады.
1) өтініш;
2) ұйым басшысының қолымен расталған бейнебақылау камераларын, дабыл батырмасын және дауыстық хабарлауды орналастыру схемасы;
3) Санитариялық қағидаларға сәйкес медициналық қамтамасыз етуді жүзеге асыруға арналған аумақтық алғашқы медициналық-санитариялық көмек ұйымымен шарт;
4) педагогикалық немесе бейіндік білімі бар педагогтердің белгіленген үлгідегі білім туралы штат кестесінің және құжаттарының көшірмелері;
5) құқықтарды мемлекеттік тіркеу жүргізілгені туралы белгісі бар құқық белгілейтін құжат мемлекеттік білім беру тапсырысын игеру мерзімі аяқталғанға дейін жалға алу, өтеусіз пайдалану, сенімгерлік басқару шартының қолданылу мерзімі бар жылжымайтын мүлікке немесе жалға алу, өтеусіз пайдалану, сенімгерлік басқару құқығын растайтын құжат.
Петропавл қаласының білім бөлімі құрған комиссия мемлекеттік электрондық ақпараттық жүйелер арқылы алынған келесі құжаттардың бар-жоғын және жарамдылығын тексеруді жүзеге асырады («электрондық үкімет» www.egov.kz, www.elicense.kz веб-порталы):
1) заңды тұлғаны мемлекеттік тіркеу/қайта тіркеу туралы анықтамалар және/ немесе қызметтің басталғаны немесе тоқтатылғаны туралы хабарлама;
2) медициналық қызмет көрсетуге шарт болмаған кезде медициналық қызметке лицензиялар;
3) ұйымның санитариялық-эпидемиологиялық талаптарға сәйкестігі туралы санитариялық-эпидемиологиялық қорытынды;
4) конкурсқа құжаттар берілгенге дейін бір ай мерзімнен ерте емес күнмен мемлекеттік кіріс органдарында есепке алу жүргізілетін берешектің жоқ (бар) екендігі туралы мәліметтер.
Өткізу уақыты 2025 жылғы 3 маусым сағат 15.00-де.
Өтетін орны – «Петропавл қаласының білім бөлімі» КММ СҚО, ҚР . Конституция Қазақстан көшесі,23, 301 каб.
Анықтама үшін телефон: 8(7152) 46-32-59.
2020 жылы «Шығыстың Аристотелі» атанған ғұлама ғалым Әбу Насыр Әл-Фарабидің туғанына 1150 жыл толады. Осы атаулы мерейтойға орай облыстық «Солтүстік Қазақстан» және мен оқитын «әл-Фараби» мектеп-лицейінің бірлесуімен «Әл-Фараби мұрасы – асыл мұра, рухани қазына» атты облыстық жыр мүшайрасы ұйымдастырылып, 24 қаңтар күні оқушылар сарайында өтті. Мүшайраны ұйымдастырудағы мақсаты: 1.Ұлы ұстаздың рухын тербетіп, ғылым жолына арнаған өмірі мен шығармашылығын насихаттау. 2.Жас буынды ұлттық мәдени құндылықтар рухына, қазақстандық патриотизмге тәрбиелеу.3.Тіл мәдениетін көтеру, халық арасынан шыққан ерекше дарынды жастарды ерекшелеу болды. Жыр сүйер қауымның Әл-Фараби кім болды, қандай мұра қалдырды және нені үйренуге болады деген сұрақтарына жауап беруді көздеді. Мүшайраға облысымыздың әр аудандары мен Петропавл қаласын қосқанда 16 жас ақындар қатысты. Ережеге сәйкес әр қатысушы екі өлеңнен оқыды. Біріншісі Әл-Фарабиге арналса, екіншісі рухани жаңғыру кезіндегі Қазақстанға арналды.
Мүшайраға облыстық «Әжелер мектебі», «Ардагерлер кеңесінің» төрағасы Жангелді Тажин мен мүшелері арнайы қонақ ретінде шақырылды. Жарасбай Қабдоллаұлы мүшайраны салтанатты түрде ашып, жас қаламгерлерге ақ батасынберді, ал ақ жаулықты қажы апаларымыз тәттіден шашуын шашты. Жыр додасына қатысушыларды бағалауға Жарасбай Сүлейменов, өңірімізге танымал ақындар Аманжол Зағыпар, Күлмай Рахмет және осы мүшайраны ұйымдастырушы, «әл-Фараби» мектеп-лицейінің директоры Күлімкөз Қайырбайқызы төрелік етті. Көрермен ретінде қаламыздағы қазақ мектептерінің және қазақ сыныптары бар орыс мектептерінің басшылары, ұстаздары, оқушылары мен ата-аналары жиналып, 300 орындық зал лық толды. Мүшайраның бірінші бөлімінде біздің мектеп-лицейдің оқушылары Әл-Фарабиді танытуға арналған әдеби-музыкалық композиция көрсетті. Көрермендер назарына «Әл-Фараби – өркениет ойшылы» атты деректі фильм көрсетілді. Жыр додасын облыстық Е.Асқаров атындағы ақындар мектебінің шәкірті Аяған Диас бастады. Шал ақын ауданы, Сергеевка қаласы «Академик Е.А.Бөкетов атындағы мектеп-гимназиясынан» төрт қаламгер- Сералиев Темирлан, Молдаш Жадыра, Кусаинова Дильназ, Қалиахмет Сабина, Жамбыл ауданы, Преснов орта мектебінен - Күркенова Жанель, Жүкенов Бекзат, Айымжан орта мектебінен Раисова Асем, Аққайың ауданы, Қайырбек Оразов атындағы Аралағаш орта мектебінен - Аюпова Камшат, Серік Ерсұлтан, Е. Асқаров атындағы «Облыстық Жас ақындар» мектебінен - Тлеген Айнұр, Петропавл қаласы №23 орта мектептен - Сеилбеков Улан, «әл-Фараби» мектеп-лицейі – Қуаныш Дарина, өнер колледжі жанындағы дарынды балаларға арналған мектеп-интернатынан төрт оқушы сайықа түсті. Жас ақындар өз өлеңдерімен баршамыздың рухымызды көтерді, көңілімізге мақтаныш сенімін ұялатты. Осындай дарынды, шабытты, ұлтжанды ұл-қыздар бар болып тұрғанда, еліміз мәңгілік жасайтынына көзім жетті десем артық емес. Қаймағы бұзылмаған ауылдарымызда қаншама талантты замандастарымыз бар екендігіне қатты қуандым.
Әрине, жыр додасына қатысу үшін алдымен шабыт керек, бап керек, жүрек керек деп ойлаймын. Қатысушы балаларда осыларды байқадым. Кеш соңында қазылар алқасы сайыскерлерді ақшалай және кітаптармен мараппаттады. Демеуші болғандар мүшайраны ұйымдастырушы «Солтүстік Қазақстан» газеті, мектеп-лицейіміздің директоры К.К.Смаилова, облыстық Е.Асқаров атындағы ақындар мектебінің жетекшісі Жарқын Жұпархан. Бас жүлдені – облыстық ақындар мектебінің шәкірті Аяған Диас (30 000), бірінші орынды - Раисова Асем (20 000), екі екінші орынды - Аюпова Камшат, Тлеген Айнұр (10 000), үшінші үш орынды Сералиев Темирлан, Серік Ерсұлтан. Қуаныш Дарина (5 000) иеленіп, грамоталармен марапатталды. Басқа қатысушыларға арнайы сертификат пен кітаптар табысталды. Мүшайраны әсем әнімен және мың бұралған билерімен түрлендіре түскен «Бимаржан», «Нұршашу» би топтарына, «Айналайын» вокал тобына, қобызшы Мадина Сатинаға алғыстан басқа айтарым жоқ. Мүшайрадан алған әсеріміз керемет! Осындай жыр кештері жиі өткізіле берсін деп тілеймін.
«әл-Фараби» мектеп-лицейінің
9 сынып оқушысы Сарсенова Айкерім
Жаңалықты мекеменің сайтында қарау
E-mail: ptr@sqo.gov.kz
