Жарияланған күні:2025 ж. 29.05
Мемлекеттік білім беру тапсырысын орналастыруға арналған конкурс
Конкурстық рәсімдерді өткізу мерзімі ресми интернет-ресурста конкурс өткізу туралы хабарландыру мәтіні орналастырылған күннен бастап 25 (жиырма бес) жұмыс күнін құрайды, өтініштерді қабылдау «СҚО әкімдігінің білім басқармасы» КММ «Петропавл қаласының білім бөлімі» КММ хабарландыру жарияланған күннен басталады.
Конкурсқа кем дегенде бір жыл мүмкіндігі шектеулі балаларға арнайы психологиялық-педагогикалық қолдау көрсету саласында жұмыс тәжірибесі бар және келесілерді қамтамасыз ететін ұйымдар қатысуға жіберіледі:
1) № 385 бұйрықпен бекітілген әлеуметтік-педагогикалық сыныптамаға сәйкес дамуындағы бұзушылықтар (есту, көру, тірек-қимыл аппараты, интеллект, сөйлеу қабілеті бұзылған, психикалық дамуы тежелген, қарым-қатынас және әлеуметтік өзара іс-қимылдың бұзылуы немесе қиындықтары (аутизм спектрінің бұзылуы), күрделі (біріктірілген) бұзылулары бар балалар) санаттары бойынша орындар саны осы қағидаларға қосымшаға сәйкес нысан бойынша өтінішке сәйкес (әрі қарай – Өтініш);
2) «Білім беру объектілеріне қойылатын санитариялық-эпидемиологиялық талаптар» санитариялық қағидаларын бекіту туралы» Қазақстан Республикасы Денсаулық сақтау министрінің 2021 жылғы 5 тамыздағы № ҚР ДСМ-76 бұйрығына сәйкес шарттар (нормативтік құқықтық актілерді мемлекеттік тіркеу тізілімінде № 23890 болып тіркелді) ( әрі қарай – Санитарлық ережелер);
3) «Өрт қауіпсіздігі қағидаларын бекіту туралы» Қазақстан Республикасы төтенше жағдайлар министрінің 2022 жылғы 21 ақпандағы № 55 бұйрығына сәйкес шарттар (нормативтік құқықтық актілерді мемлекеттік тіркеу тізілімінде № 26867 болып тіркелді) (әрі қарай – Өрт қауіпсіздігі ережелері);
4) Төтенше жағдайлар туындаған кезде ескерту (дабыл түймесінің, автоматты хабарлау жүйесінің, оның ішінде ішкі дауыстық хабарлау жүйесінің болуы);
5) «Террористік тұрғыдан осал объектілерді терроризмге қарсы қорғауды ұйымдастыруға қойылатын талаптарды бекіту туралы» Қазақстан Республикасы Үкіметінің 2021 жылғы 6 мамырдағы № 305 қаулысына сәйкес терроризмге қарсы қорғау (бейнебақылау жүйесінің болуы);
6) ерекше білім беру қажеттіліктерін бағалау қағидаларын бекіту туралы Қазақстан Республикасы білім және ғылым министрінің 2022 жылғы 12 қаңтардағы № 4 бұйрығына (нормативтік құқықтық актілерді мемлекеттік тіркеу тізілімінде № 26618 болып тіркелген) сәйкес ерекше білім беру қажеттіліктері бар балаларды тәрбиелеу мен оқытуға арналған арнайы жағдайлар, Қазақстан Республикасының Заңына сәйкес және № 385 бұйрықпен бекітілген арнайы білім беру ұйымдары қызметінің үлгілік қағидаларының 4-тарауына сәйкес арнайы психологиялық-педагогикалық қолдауды ұйымдастыру;
7) мектепке дейінгі, орта білім беру ұйымдарын, сонымен қатар арнаулы білім беру ұйымдарын жабдықтармен және жиһазбен жарақтандыру нормаларын бекіту туралы Қазақстан Республикасы білім және ғылым министрінің 2016 жылғы 22 қаңтардағы №70 бұйрығына сәйкес жабдықтармен және жиһазбен жарақтандыру (нормативтік құқықтық актілерді мемлекеттік тіркеу тізілімінде № 13272 болып тіркелді);
8) Санитариялық қағидаларға сәйкес медициналық қызмет көрсету және алғашқы медициналық көмек көрсету;
9) «Педагог лауазымдарының үлгілік біліктілік сипаттамаларын бекіту туралы» Қазақстан Республикасы білім және ғылым министрінің 2009 жылғы 13 шілдедегі № 338 бұйрығына сәйкес тиісті бейін бойынша педагогикалық немесе өзге де кәсіптік білімі бар педагогикалық құраммен (нормативтік құқықтық актілерді мемлекеттік тіркеу тізілімінде № 5750 болып тіркелді) және «Мемлекеттік білім беру ұйымдары қызметкерлерінің үлгілік штаттарын бекіту туралы»Қазақстан Республикасы ағарту министрінің міндетін атқарушының 2023 жылғы 21 шілдедегі № 224 бұйрығына сәйкес штат саны (нормативтік құқықтық актілерді мемлекеттік тіркеу тізілімінде № 33166 болып тіркелді);
10) № 12 бұйрыққа сәйкес мемлекеттік сатып алу веб-порталында тіркеу.
Мемлекеттік білім беру тапсырысын орналастыруға үміткер ұйымдар электрондық форматта (ptr@sqo.gov.kz электрондық пошта мекенжайы) немесе қағаз түрінде хабарландыру орналастырылған күннен бастап 3 жұмыс күні ішінде келесі құжаттарды ұсынады.
1) өтініш;
2) ұйым басшысының қолымен расталған бейнебақылау камераларын, дабыл батырмасын және дауыстық хабарлауды орналастыру схемасы;
3) Санитариялық қағидаларға сәйкес медициналық қамтамасыз етуді жүзеге асыруға арналған аумақтық алғашқы медициналық-санитариялық көмек ұйымымен шарт;
4) педагогикалық немесе бейіндік білімі бар педагогтердің белгіленген үлгідегі білім туралы штат кестесінің және құжаттарының көшірмелері;
5) құқықтарды мемлекеттік тіркеу жүргізілгені туралы белгісі бар құқық белгілейтін құжат мемлекеттік білім беру тапсырысын игеру мерзімі аяқталғанға дейін жалға алу, өтеусіз пайдалану, сенімгерлік басқару шартының қолданылу мерзімі бар жылжымайтын мүлікке немесе жалға алу, өтеусіз пайдалану, сенімгерлік басқару құқығын растайтын құжат.
Петропавл қаласының білім бөлімі құрған комиссия мемлекеттік электрондық ақпараттық жүйелер арқылы алынған келесі құжаттардың бар-жоғын және жарамдылығын тексеруді жүзеге асырады («электрондық үкімет» www.egov.kz, www.elicense.kz веб-порталы):
1) заңды тұлғаны мемлекеттік тіркеу/қайта тіркеу туралы анықтамалар және/ немесе қызметтің басталғаны немесе тоқтатылғаны туралы хабарлама;
2) медициналық қызмет көрсетуге шарт болмаған кезде медициналық қызметке лицензиялар;
3) ұйымның санитариялық-эпидемиологиялық талаптарға сәйкестігі туралы санитариялық-эпидемиологиялық қорытынды;
4) конкурсқа құжаттар берілгенге дейін бір ай мерзімнен ерте емес күнмен мемлекеттік кіріс органдарында есепке алу жүргізілетін берешектің жоқ (бар) екендігі туралы мәліметтер.
Өткізу уақыты 2025 жылғы 3 маусым сағат 15.00-де.
Өтетін орны – «Петропавл қаласының білім бөлімі» КММ СҚО, ҚР . Конституция Қазақстан көшесі,23, 301 каб.
Анықтама үшін телефон: 8(7152) 46-32-59.
2019 jyldyń 4 jeltoqsanynda Petropavl qalalyq bilim bóliminiń janyndaǵy «Rýhanı jańǵyrý» jobalyq keńsesi, «RUHY BAR URPAQ» klýbynyń uıymdastyrýymen QHA Dostyq úıinde Petropavl qalasyndaǵy qazaq tilinde jalpy orta bilim beretin mektepterdiń oqýshylary arasynda
«Latyn álipbıine kóshý – qazaq tiliniń bolashaǵy» atty qalalyq baıqaýy ótti. Baıqaýǵa barlyǵy 70 astam mektep oqýshylary qatysty. Baıqaý qatysýshylarynyń jumysyn baǵalaý jáne jeńimpazdar men júldegerlerdi anyqtaý úshin qazylar alqasy quramy Tilderdi damytý basqarmasynyń ókilderi, til men ádebıet mamandary, zıaly qaýym ókilderinen turdy. Baıqaý 3 bólimnen turady:
1 Bólim «Latyn álipbıine kóshý – qazaq tiliniń bolashaǵy» atty baıqaýynyń saltanatty ashylýy men 1 asý boıynsha ár mektep komandasy latyn álipbıine kóshýdiń mańyzdylyǵy, ózektiligi, qajettiligi jaıly «Sende bir kirpish dúnɪege...» atty óz shyǵarmashylyq jumysyn tanystyrdy (óleń shyǵarý, joba qorǵaý, án oryndaý, sahnalyq qoıylym t.b.)
2 Bólim. Kelesi 3 asý boıynsha baıqaý ótti:
2 asý Latyn grafıkasyna negizdelgen álipbı boıynsha 20 oqýshy dıktant jazdy.
Baıqaý jeńimpazdaryn anyqtaý úshin tómendegideı talaptar qoıylady:
• saýattylyq;
• emlelik erejelerdi saqtaýy;
• jazý máneri
3 asý: «ózim týraly» taqyrybynda shamamen 250 sóz kóleminde esse jazdy
Baıqaý jeńimpazdaryn anyqtaý úshin tómendegideı talaptar qoıylady:
• esse qurylymynyń saqtalýy;
• oıdyń júıeli jetkizilýi;
• saýattylyq, emlelik erejelerdiń saqtalýy;
4 asý: «Latynsha oqımyz» atty latyn álipbıinde jazylǵan mátinderdi oqý baıqaýy.
Baıqaý jeńimpazdaryn anyqtaý úshin tómendegideı talaptar qoıylady:
• oqý sheberligin saqtaý;
• oqý jyldamdylyǵy;
• oqý saýattylyǵy;
3 Bólim baıqaý jeńimpazdary marapattaldy. Baıqaý óte maǵynaly, oqýshylardyń tilge degen qyzyǵýshylyqtaryn oıatty.
 |  |
 |  |
 |  |
 |  |
 |  |
 |  |
 | |
Жаңалықты мекеменің сайтында қарау
E-mail: ptr@sqo.gov.kz
