Мен жас мұғаліммін, бірақ жас та болсам, энтузиастпын, айналамды қоршаған әлемді өзгертемін деп сенемін, оқушыларымның тек қана мұғалімі ғана емес сонымен қатар олардың досы болғым келеді, олармен тығыз қарым-қатынас жасаймын, олармен ашық әңгімелесуге тырысамын, олардың өзіне деген сенімін арттыруға тырысамын. Мен өзімді белсенді мұғалім деп санаймын, өйткені мен тек қана сабақ берумен ғана шектеліп қана қоймай, мектеп қабырғасындағы барлық мәдени танымдық іс шараларға қатысуға тырысамын.

 

Мен – белсендімін, оқушыларыммен және ұжымымдағы мұғалімдермен әрқашанда жақсы қарым-қатиынас жасаймын, үнемі қозғалыста, кәсіби өсудемін.

 

Менің ойымша, жақсы мұғалімді анықтау критерийлерінің арасында өз пәнін жетік меңгеру және білу ең бірінші орында болады. Ал, екіншісі жаңа технологиялдар мен әдіс-тәсілдерден хабардар болу және соларды әрбір оқушының жеке дара қабілеттері мен мүмкіндіктеріне сәйкес келетіндей таңдай алуы. Сондықтан да мен өзімнің кәсіби біліктілігімді үнемі арттырып отыруға және де өз пәнімді тереңірек білуге тырысамын.

 

Менің болашаққа деген жоспарым- өзімді түбегейлі өзгерту, жаңашыл, жаңа формация мұғалімі болу. Мен ендігі кезде өзімнің жұмысымды осы жаңа әдіс-тәсілдерді және жаңа инновациялық технологияларды әрқашанда өзімнің тәжірибеммен ұштастыра жүремін. Бағалаудың жаңа түрлерін енгіземін, балаларды өздерін және құрдастарын, топпен бағалатамын, критерийлерді өздеріне жасатып, оларды әділ бағалауға, өзін-өзі реттеуге үйретемін. Бұрынғы Кеңес үкіметінен қалып қойған біздің дәстүрлік бағалау жүйеміз – көбінесе жазалауға ұқсайтын және бағалауды тек қана мұғалім жүргізетін, ал ендігі кезде жаңа әдіс-тәсілдер арқылы оқыту бағалауға мүлдем басқаша көзқарас тудырады. Мен бұл жүйемен толықтай келісемін. Менің ойымша бұдан кейін оқушылар бағаға мүлдем басқаша қарайды, және бұл бағалау түрлері арқылы жақсы баға алу үшін не істеу керектігін түсініп, жақсы баға алуға тырысады, ол дегеніміз оның оқуы да жақсарады.

 

Шетел тілін оқытудағы басты мақсат – оқушылардың коммуникатвтік дағдыларын дамыту. Олардың тіл тосқауылын жеңуі, шетел тілінде сенімді сөйлеуге үйрету сияқтыларды мен үнемі назарға алып жүремін. Мен бұл үшін әрине көп еңбек етемін, іздену үстінде боламын. Бұны жасау үшін әрқашан да балаларды зерттеп отырамын. Тек қана сабақтарымды беріп қана қоймай, енді әр сабағымды сабақа аяқталған соң талдап, әрқашан да зерттеу жұмыстарын жүргіземін. Сонда ғана мен жаңа формация мұғалімі боламын деп ойлаймын. Сонда ғана мен нағыз жақсы мұғалім деген атқа ие боламын. Өзіме талап қоя отырып, алдыма қойған мақсаттарыма міндетті түрде жетемін. Өзімнің айтқан сөзімде тұрамын. Оқушыларымды үлкен жетістіктерге жетелеймін. Оларға жаңа мақсат қойып, бұл мақсатқа жету жолын көрсетемін.

Чтобы оставлять комментарии авторизуйтесь